யாழ்ப்பாணப் பல்கலைக்கழகத்தில் புலம்பெயர் மாணவர்கள் சேர்வது எப்படி? - முழுமையான வழிகாட்டி

26 ஆடி 2026 புலம்பெயர் தேசங்களில் வாழும் எமது தமிழ் உறவுகளின் பிள்ளைகள் பலருக்கு, தாய் மண்ணான யாழ்ப்பாணத்தில் உயர்கல்வி கற்க வேண்டும் என்ற பெரும் கனவு உண்டு. யாழ்ப்பாணப் பல்கலைக்கழகம் என்பது வெறும் பல்கலைக்கழகம் அல்ல, அது எமது அடையாளம், எமது பண்பாட்டின் வேர். இலங்கை பல்கலைக்கழக மானியங்கள் ஆணைக்குழு (UGC) ஆண்டுதோறும் வெளிநாட்டுக் கல்வித் தகுதி உடைய மாணவர்களுக்கென 4.5% இடங்களை ஒதுக்குகிறது. இதன் மூலம் புலம்பெயர் மாணவர்கள் யாழ்ப்பாணப் பல்கலைக்கழகத்தில் எளிதாக அனுமதி பெறலாம். 1. யார் விண்ணப்பிக்கலாம்? - தகுதிகள் அ) கல்வித் தகுதி: • இலங்கைக்கு வெளியே நடத்தப்படும், இலங்கையின் க.பொ.த உயர்தரத்திற்கு இணையானதாகக் கருதப்படும் பரீட்சையில் சித்தி பெற்றிருத்தல் வேண்டும். • எடுத்துக்காட்டு: A-Levels (London, Cambridge, Edexcel), International Baccalaureate (IB), செருமனி Abitur, பிரான்சு Baccalauréat போன்றவை. _ குறைந்தது மூன்று பாடங்களில் சித்தி பெற்றிருத்தல் வேண்டும். ஆ) பிற தகுதிகள்: _ இலங்கைக் கடவுச்சீட்டு அல்லது வெளிநாட்டுக் கடவுச்சீட்டு உடையவராக இருத்தல். • இலங்கையில் ஏற்கனவே அரச பல்கலைக்கழகத்தில் உள்வாரி மாணவராகப் பதிவு செய்யப்படாதவராக இருத்தல். • புலம்பெயர் இலங்கையர்களின் பிள்ளைகள் எனில், பெற்றோர் வெளிநாட்டில் பணிபுரிந்த காலத்திலேயே பிள்ளை அங்கு கல்வி கற்றிருத்தல் வேண்டும். இ) மொழித் தகுதி: • கல்வி ஆங்கிலத்தில் அமையாதவர்கள், ஆங்கில மொழித் தேர்ச்சிக்கான சான்றிதழ் இணைக்க வேண்டும். • TOEFL - 79 புள்ளிகள் அல்லது IELTS - 6.5 அல்லது PTE - 51-60 புள்ளிகள். 2. விண்ணப்பிக்கும் முறை - படிப்படியாக இந்த விண்ணப்பம் நேரடியாக யாழ்ப்பாணப் பல்கலைக்கழகத்திற்கு அனுப்பப்படுவதில்லை. பல்கலைக்கழக மானியங்கள் ஆணைக்குழுவிற்கே (UGC) அனுப்பப்பட வேண்டும். படி 1: விண்ணப்பப் படிவத்தைப் பெறுதல் _ www.ugc.ac.lk என்ற இணையத்தளத்தில் Admission of Students with Foreign Qualifications என்ற பகுதியில் படிவம், கைந்நூல் கிடைக்கும். படி 2: விண்ணப்பக் கட்டணம் _ அமெரிக்க டாலர் 100-ஐ பல்கலைக்கழக மானியங்கள் ஆணைக்குழுவின் பெயரில் வரைவோலையாக (Bank Draft) அல்லது தந்தி மூலம் அனுப்ப வேண்டும். படி 3: படிவத்தை நிரப்புதல் • கடவுச்சீட்டில் உள்ளவாறு முழுப்பெயரை ஆங்கிலத்தில் பெரிய எழுத்துக்களில் நிரப்ப வேண்டும். • எந்தப் பகுதியையும் வெறுமையாக விடக்கூடாது. பொருந்தாத இடத்தில் N/A என எழுத வேண்டும். படி 4: அஞ்சலில் அனுப்புதல் _ பூர்த்தி செய்த விண்ணப்பம் மற்றும் அனைத்து ஆவணங்களையும் ஒன்றாக இணைத்து கீழ்வரும் முகவரிக்கு அனுப்ப வேண்டும்: Deputy Secretary / University Admissions, University Grants Commission, No.20, Ward Place, Colombo 07, Sri Lanka. படி 5: மின்னஞ்சலில் அனுப்புதல் (மிக முக்கியம்) _ அஞ்சலில் அனுப்பும் அதே விண்ணப்பத்தின் நகலை PDF ஆக foreignadmissions@ugc.ac.lk என்ற மின்னஞ்சலுக்கும் அனுப்ப வேண்டும். இதைத் தவறினால் விண்ணப்பம் தாமதமாகும். 2024/2025 கல்வியாண்டுக்கான கால எல்லை: • விண்ணப்பம் கோரும் நாள்: 11 ஆவணி 2025 • இறுதி நாள்: 01 புரட்டாசி 2025 3. இணைக்க வேண்டிய ஆவணங்கள் புலம்பெயர் இலங்கை மாணவர்கள் கீழ்வரும் ஆவணங்களைக் கட்டாயம் இணைக்க வேண்டும்: 1. மாணவரின் கடவுச்சீட்டு நகல்கள் (வெளிநாட்டில் படித்த காலத்திற்கான விசா பக்கங்களுடன்) 2. வெளிநாட்டில் வசித்ததற்கான சான்று (அந்நாட்டு அரசின் அதிகாரி வழங்கியது) 3. பாடசாலை இறுதிச் சான்றிதழ்கள் (வெளிநாடு மற்றும் இலங்கை இரண்டும்) 4. பெற்றோரின் பணிச் சான்றிதழ் (Service Certificate) வெளிநாட்டில் வேலை செய்ததற்கானது 5. பெற்றோரின் கடவுச்சீட்டு நகல்கள் (விசா பக்கங்களுடன்) 6. வங்கி மீதி சான்றிதழ் - தந்தை/தாய்/பாதுகாவலரின் வங்கிக் கணக்கில் போதிய நிதி உள்ளது என்பதற்கான ஆங்கிலத்தில் அசல் கடிதம் 7. உயர்தரச் சான்றிதழ், பெறுபேறு - அந்தந்த பரீட்சை சபையால் உறுதி செய்யப்பட்ட நகல் 4. யாழ்ப்பாணப் பல்கலைக்கழகத்தைத் தெரிவு செய்தல் விண்ணப்பத்தில் பாடநெறிகளைத் தெரிவு செய்யும்போது Uni-Code முறையைப் பயன்படுத்த வேண்டும். எடுத்துக்காட்டு: மருத்துவம், பொறியியல், சட்டம், கலை, முகாமைத்துவம் போன்ற பாடநெறிகளுக்கு யாழ்ப்பாணப் பல்கலைக்கழகத்திற்கான Uni-Code-ஐ முதல் விருப்பமாக இட வேண்டும். விருப்ப ஒழுங்கை பின்னர் மாற்ற முடியாது. 5. தெரிவான பின் என்ன செய்ய வேண்டும்? UGC உங்களைத் தெரிவு செய்து யாழ்ப்பாணப் பல்கலைக்கழகத்திற்குப் பரிந்துரைக்கும். அதன் பின் பல்கலைக்கழகம் உங்களைத் தொடர்பு கொள்ளும். அதன் பின் கீழ்வரும் முகவரிக்கு பதிவுக்கான படிவங்களை அனுப்ப வேண்டும்: Assistant Registrar, Admissions Branch, University of Jaffna, Ramanathan Road, Thirunelvely, Jaffna. தொடர்புக்கு: UGC Foreign Admissions - Tel: +94-11-2695301 / Email: foreignadmissions@ugc.ac.lk