வியாழனில் ‘பெருஞ்சிவப்புப் புள்ளி’ ஏன் குறைந்து வருகிறது?

19 புரட்டாசி 2026 வியாழனில் (ஜூபிட்டர் - Jupiter) காணப்படும் ‘பெருஞ்சிவப்புப் புள்ளி’ (Great Red Spot) என்பது குறைந்தது 1800-களிலிருந்து தொடரும் ஒரு மாபெரும் சுழல் புயல் ஆகும். ஆனால் தொலைநோக்கிப் பதிவுகள் மற்றும் அண்மைய விண்கலக் கண்காணிப்புகள் காட்டுவது என்னவெனில், இந்தப் புயலின் அகலம் கடந்த காலத்தை விடக் குறைந்து வருகிறது. நாசாவின் (NASA) ஜூனோ (Juno) விண்கலம் வியாழனின் மேக அடுக்குகள், காற்றோட்டங்கள் மற்றும் புயல்களின் கட்டமைப்பை நெருக்கமாக அளந்து, ‘பெருஞ்சிவப்புப் புள்ளி’ சுற்றியுள்ள தாரை ஓட்டங்கள் (ஜெட் ஸ்ட்ரீம் - Jet Stream) (வேகமான காற்றுப் பாய்ச்சல்கள்) மற்றும் ஆற்றல் பரிமாற்றம் எப்படி மாற்றமடைகிறது என்பதைப் பதிவு செய்கிறது. நாசா (NASA) மற்றும் ஐரோப்பிய விண்வெளி நிறுவனம்/அபிள் (ESA/Hubble) போன்ற கண்காணிப்புகள் இந்தப் புயலின் நிறம், வடிவம், அளவு ஆகியவை காலப்போக்கில் மாறக்கூடும் என்பதை உறுதிப்படுத்துகின்றன. இப்படியான நீண்டகால மாற்றங்கள், வளிமப் பெருங்கோள்களின் (வாயுக்கோள் - Gas Giant) வளிமண்டலங்களில் புயல்கள் எவ்வாறு பிறக்கின்றன, வளர்கின்றன, மங்குகின்றன என்பதற்கான முக்கியத் தடயமாகும். வெளியீடு : அறிவுப்பசி ஊடகம்