திமிங்கிலங்கள் பாடும் பாடல்:

18 ஐப்பசி 2026 நீருக்குள் ஒலி, காற்றைவிட சுமார் நான்கு மடங்கு வேகமாகப் பயணிக்கிறது. அதனால், கடல் உலகில் ‘பாடல்’ என்பது வெறும் இசை மட்டுமல்ல, தொலைத்தொடர்பு சாதனமாகவும் செயல்படுகிறது. ஹம்பேக் திமிங்கிலங்கள் உருவாக்கும் பாடல்கள் நீளமான, மீண்டும் மீண்டும் வரும் அமைப்புகளைக் கொண்டவை. ஒரே பருவத்தில் அந்தப் பாடல் மெதுவாக மாறிக்கொண்டே செல்வதையும் ஆராய்ச்சியாளர்கள் பதிவு செய்துள்ளனர். இவ்வாறு அமைப்பு கொண்ட ஒலிக்குறிகள் (Patterned Signals), தொலைவில் உள்ள மற்ற திமிங்கிலங்களுக்கு உணவுப் பகுதிகள், இனப்பெருக்கப் பகுதி அல்லது சமூக அடையாளம் போன்ற தகவல்களைப் பரிமாறப் பயன்படுகின்றன. ஆனால், கப்பல் இயந்திரங்கள், சோனார் போன்ற மனித ஒலி மாசு, இந்த இயற்கை ஒலித் தொடர்பை மறைத்து, திமிங்கிலங்களின் நடத்தையில் பாதிப்பை ஏற்படுத்தக்கூடும் எனக் கடல் உயிரியல் ஆய்வுகள் எச்சரிக்கின்றன. வெளியீடு : அறிவுப்பசி ஊடகம்